《奇蹟》
話就話嫁咗去意大利，但口唇邊總掛住"香港"呢兩隻字。可能我日提夜提 ，所以意佬話帶我嚟呢度，話只有耶穌先頂得順我咁唚氣。
原來呢個山卡拉地方都有段故，聞說一位農夫在呢個山頂耕種緊嘅時候，見到一隻牛同埋犁一齊掉咗落前面嘅懸崖。黃牛從一百幾米高嘅懸崖跌落嚟，農夫走到大石牆底部，驚奇地發現黃牛冇死不特止，仲跪咗喺一個洞穴面前，而洞裡藏有一幅神秘嘅三位一體繪畫，而個犁就cake住喺個岩石架上。
自此奇蹟出現之後，呢個峭壁就被意大利封為其中一個最神聖嘅地方。
感激意佬帶我嚟到呢個為三位一體繪像而建嘅教堂，我喺教堂仔同神講，無論前路有幾多荊棘，香港人這年頭來經歷了多少滄桑，大家亦緊握拳頭，咬緊牙關，一起渡過。
「若然太多困惑推我們向絕望，
那就讓恐懼燃點我們的希望。」
喺教堂嘅地窖有幾個室，室內的牆上貼滿無數人在車禍意外中死裡逃生，癌症病人經歷無數次大手術後從死門關口重生，或甚患上罕有疾病但奇蹟痊癒嘅真人真事。
魯迅話過：「希望是附麗於存在的，有存在，便有希望，有希望，便是光明。」
人生可以失去好多嘢，但唔可以失去希望。
只有心存希望，努力做好對得住天地良心嘅事，
奇蹟，總有一日會出現。
Instagram @misi_gipsy_italy
#嫁到意大利
#相信 #奇蹟
#海拔1337米
#香港旅行團未必會嚟到呢度
#山路石路幾百級樓梯
#幾辛苦都值得
#離開教堂要倒後行
#知道點解嗎
Search